კვირას სროლისა და დაბომბვის შედეგად პაკისტანის სასაზღვრო ქალაქში ავღანეთის თალიბანის ძალებმა მოკლეს 6 და დაჭრეს სულ მცირე 17 ადამიანი.

რატომ არის მნიშვნელოვანი: მეზობელ სახელმწიფოებს შორის უსაფრთხოების საკითხებთან დაკავშირებით დაძაბულობა იზრდება.

  • 2017 წლიდან პაკისტანი მასიურ ღობეს აშენებს საზღვრის გასწვრივ — რასაც აპროტესტებდა როგორც თალიბანი, ასევე ავღანეთის წინა მთავრობა.

დეტალები: Reuters-ის ცნობით, ინციდენტი მას შემდეგ მოხდა, რაც პაკისტანმა ავღანეთის სასაზღვრო ძალებს მოსთხოვა, შეეწყვიტათ საზღვრის მხარეს საგუშაგოს შენება.

  • პაკისტანის ძალებმა საპასუხო ცეცხლი გახსნეს, რის შედეგადაც დაიღუპა ერთი ავღანელი ჯარისკაცი.
  • "ნაღმტყორცნის ჭურვი დაეშვა და უზარმაზარი ცეცხლოვანი ბურთი წარმოიქმნა. ამის შემდეგ, მე დავკარგე გონება და არ ვიცი, რა მოხდა", — განუცხადა ერთ-ერთმა დაზარალებულმა Al Jazeera-ს.

კონტექსტი: პაკისტანსა და ავღანეთს შორის საზღვარს დიურანდის ხაზი ეწოდება, რომელიც ბრიტანელებმა 1893 წელს დახაზეს, და დღემდე საკამათოა მხარეებს შორის.

  • პაკისტანის ოფიციალური პირები აცხადებენ, რომ ავღანეთის ტერიტორიიდან პაკისტანელი მებრძოლი ჯგუფების მიერ განხორციელებული თავდასხმები მას შემდეგ გახშირდა, რაც თალიბანმა ხელისუფლება აიღო.

  • მათ ასევე დაადანაშაულეს თალიბანის ახალი მთავრობა ავღანეთში ამ ჯგუფებისთვის თავშესაფრის მიცემაში, თალიბანი ამას უარყოფს.