როგორც ამერიკის შეერთებული შტატების პრეზიდენტი ჯო ბაიდენი წერს, ბრიტნი გრაინერი უსაფრთხოდაა.

რატომ არის მნიშვნელოვანი: სპორტსმენი 17 თებერვალს, აეროპორტში ნარკოტიკის საზღვარზე გადმოტანის ბრალდებით დააკავეს და საქმე კონტრაბანდის მუხლით აღძრეს.

  • რუსეთის სასამართლომ მას 9-წლიანი პატიმრობა მიუსაჯა. კალათბურთელმა პროცესზე თქვა, რომ მან გამოფრენამდე ბარგი სიჩქარეში ჩაალაგა და რუსული კანონმდებლობის დარღვევა განზრახული არ ჰქონდა.
  • რაც შეეხება რუსეთის მოქალაქეს, 55 წლის ვიქტორ ბუტს აშშ-ში იარაღის უკანონო ვაჭრობისთვის 25 წლიან პატიმრობა ჰქონდა მისჯილი.

დეტალები: როგორც BBC წერს, ბაიდენის ადმინისტრაციამ პატიმრების გაცვლა შესთავაზა გასულ ივლისს, რადგან იცოდა, რომ მოსკოვი დიდი ხანია ცდილობდა ბუტის გათავისუფლებას.

  • რუსეთის საგარეო საქმეთა სამინისტრომ დაადასტურა გაცვლა და განაცხადა, რომ ეს მოხდა აბუ დაბის აეროპორტში.