ანტისხეულების თერაპიამ, რომელსაც ალცჰაიმერის დაავადების მქონე პაციენტებში ამილოიდური ტოქსინის მოცილება შეუძლია, კლინიკურ კვლევებში მნიშვნელოვანი შედეგი აჩვენა. მკვლევრბის თქმით, ის ანელებს დაავადების პროგრესირებას.

კვლევის შედეგბს უკვე მოჰყვა გამოხმაურება და ალცჰაიმერის დაავადებასთან ბრძოლის მხრივ მნიშვნელოვან პროგრესად შეირაცხა.

ალცჰაიმერი არის ტვინის დაავადება, რომელიც გავლენას ახდენს ადამიანების მეხსიერებასა და აზროვნების უნარზე. ყველაზე მძიმე შემთხვევებში ალცჰაიმერის მქონე პაციენტები ვერ ასრულებენ უმარტივეს დავალებებს. დაბერების ეროვნული ინსტიტუტის შეფასებით, ექვს მილიონ ამერიკელს აქვს ალცჰაიმერის დაავადებით გამოწვეული დემენცია.

მეცნიერებს ბოლომდე არ ესმით დაავადების გამომწვევი მიზეზი, რაც ართულებს მკურნალობას. შესაბამისად, წამალი, რომელიც ამცირებს დაავადების სიმძიმეს, აღიქმება, როგორც გარღვევა და ახალი წამლის შედეგები უმნიშვნელოვანესია.

რა აღმოაჩინა კვლევამ?

ლეკანემაბის ანტისხეულების თერაპიის ტესტირებაში 50-დან 90 წლამდე 1800 პაციენი მონაწიელობდა. მათ ადრეული ალცჰაიმერის დაავადების დიაგნოზი ჰქონდათ დასმული. პრეპარატს პაციენტები ორ კვირაში ერთხელ ინტრავენური წვეთოვანი სახით იღებდნენ და ეს 18 თვის განმავლობაში გაგრძელდა.

კლინიკური სკალის გამოყენებით, მკვლევრებმა შეაფასეს დემენციის სიმძიმე ისეთი სიმპტომების გაზომვით, როგორიცაა მეხსიერება, პრობლემების გადაჭრის უნარები და დამოუკიდებლად ცხოვრების შესაძლებლობა. მკვლევრებმა დაადგინეს, რომ მეხსიერების დაქვეითება შენელდა პაციენტებში 27 პროცენტით. პრეპარატის მიღებამ არ შეაჩერა დაავადების პროგრესირება პაციენტებში, მაგრამ აღმოჩნდა, რომ ის უფრო ნელა პროგრესირებდა მათში, ვინც იღებდა ლეკანემაბს.

კვლევის დროს მკვლევრებმა ასევე გამოიყენეს სისხლის ტესტები და ტვინის სკანირება პაციენტებში ამილოიდის დონის გასაზომად.

როდის იქნება წამალი ხელმისაწვდომი?

ექსპერტებმა The Guardian-ს განუცხადეს, რომ პრეპარატს შეუძლია დაავადების მკურნალობის უზრუნველყოფა და მეტი სარგებელი დროთა განმავლობაში კიდევ უფრო აშკარა გახდება. თუმცა, სხვა მეცნიერები ისეთ რისკებზე საუბრობენ, როგორიცაა სისხლდენის გაზრდილი რისკი პრეპარატის გამოყენებისას.

კვლევის დროს ორი მონაწილე მოკვდა, მაგრამ წამლების მწარმოებლები ხაზს უსვამენ, რომ მათი სიკვდილის მიზეზები არ იყო დაკავშირებული ანტისხეულებთან. აშშ-ში დაფუძნებული Biogen-ისა და იაპონური ფარმაცევტული კომპანიის Eisai-ს მიერ შემუშავებული პრეპარატი უფრო ხანგრძლივ ცდებში მომავალში ჩაეშვება. ეს რათა დადგინდეს მისი ეფექტურობა და უსაფრთხოება, ნათქვამია კვლევაში, რომელიც გამოქვეყნდა New England Journal of Medicine-ში.

ამასთან, წამლის მწარმოებელი ცდილობს FDA-სგან ნებართვა დაჩქარებული ტემპით მიიღოს.

თუ სტატიაში განხილული თემა და ზოგადად: მეცნიერებისა და ტექნოლოგიების სფერო შენთვის საინტერესოა, შემოგვიერთდი ჯგუფში – შემდეგი ჯგუფი.