ახალი ამბები On.ge

დროა

27 ნოე, 2022

ცხრამუხის მონასტერში მონაზონზე განხორციელებულ ფიზიკურ და სექსუალურ ძალადობაზე საპატრიარქოს პოზიცია კიდევ უფრო აღვივებს და აძლიერებს სიძულვილს, ძალადობას საქართველოში. საპატრიარქოს სპიკერმა, ანდრია ჯაღმაიძემ მონაზონზე განხორციელებული ძალადობა მედიას დააბრალა. ეს კიდევ უფრო ზრდის საფრთხეს ჟურნალისტებისთვის, კრიტიკული მედიის წარმომადგენლებისთვის, რომლებიც ბოლო წლებში მიზანმიმართული, წახალისებული აგრესიისა და ფიზიკური თავდასხმების მსხვერპლები არიან.

ანდრია ჯაღმაიძის განცხადება არ არის ერთეული შემთხვევა და საპატრიარქო უკვე წლებია ყოფს საქართველოს საზოგადოებას და სიძულვილს თესავს. წლებია, საქართველოს საპატრიარქო ძალადობრივ, პრორუსულ ჯგუფებს ქმნის, აძლიერებს და იყენებს მათ წინააღმდეგ, ვინც კონკრეტულ შემთხვევაში მათ ინტერესებს უპირისპირდება. ყველა ეს ჯგუფი საპატრიარქოსა და ქართული ოცნების ინსტრუმენტია საზოგადოებაზე ძალადობრივი კონტროლის მოსაპოვებლად. მედიის, აქტივისტების, უმცირესობების თუ ნებისმიერი სხვა ჯგუფისგან მტრის ხატის შექმნა, მათი ჩაგვრა, ძალადობა, შიშის დათესვა და საზოგადოების სიძულვილით კვება რუსული მართვის მოდელია, რასაც მყარი რუსული კავშირების მქონე საპატრიარქო და ხელისუფლება წლებია იყენებენ.

ამის ნათელი მაგალითია 2013 წლის 17 მაისი, 2021 წლის 5 ივლისი, როცა ხელისუფლებისა და საპატრიარქოსგან წახალისებულმა და მართულმა ჯგუფებმა მასობრივად იძალადეს მედიის წარმომადგენლებზე, რაც მსხვერპლით დასრულდა.

რუსეთთან საპატრიარქოს კავშირი უკვე ღია და დაუფარავია. უკრაინაში ომის შესახებ სრული დუმილის ფონზე, საქართველოს პატრიარქი იყო ერთადერთი სასულიერო ლიდერი მთელ მსოფლიოში, ვინც რუსეთის პატრიარქ კირილს დაბადების დღე მიულოცა. კირილი ვლადიმერ პუტინის იდეოლოგიური საყრდენია და მისი პოლიტიკის გამტარებელია, მხარს უჭერს უკრაინაში რუსეთის სასტიკ, არაადამიანურ ომს.

სწორედ სიძულვილით, მტრობით, ძალადობით საზოგადოების კვებამ გააღვიძა ადამიანებში არსებული ყველაზე ბნელი ინსტინქტები. ამის შედეგია მზარდი ფემიციდი, ცხრამუხის მონასტერში მომხდარი ძალადობა, არასრულწლოვანებზე განხორციელებული ძალადობის გახშირებული ფაქტები.

ძალადობის ეს ტალღა არათუ არ შემცირდება, არამედ პრობლემა კიდევ უფრო გაღრმავდება პრობლემის ფუნდამენტთან დაპირისპირების გარეშე — ქვეყნის მართვის რუსული მოდელი, რომელსაც საპატრიარქო და ქართული ოცნება იყენებენ.

ასე გამოეხმაურა პარტია დროა საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის განცხადებას. ჯაღმაიძე ფიქრობს, რომ ფემიციდისა და გაუპატიურების დანაშაულები ეკლესიის კრიტიკამ გამოიწვია.

7 280

კომენტარები

კვირის ტოპ-5

  1. "ოცნების" წარმომადგენლები იმ პირების გვარების დასახელებას ითხოვენ, რომლებიც "ევროკავშირში რეკავდნენ იმის გასარკვევად, სანქციების სიიდან როგორ ამოეშალათ თავი"9920 ნახვა
  2. ჯო უილსონი: "ქართული ოცნების" პრემიერმინისტრმა პრეზიდენტი ტრამპი ცრუ ბრალდებებით დაგმო"9199 ნახვა
  3. რას წერს ფრანგული პრესა კანში ხვიჩა კვარაცხელიას და ზურიკო დავითაშვილის სახლის გაქურდვაზე?7536 ნახვა
  4. თეა ძოწენიძე: საქართველოს განათლების, მეცნიერებისა და ახალგაზრდობის სამინისტროში სკოლამდელი განათლების სამმართველო გაუქმდა4819 ნახვა
  5. საპატრულო პოლიციის დეპარტამენტის ხელმძღვანელად ლევან მაისურაძე დაინიშნა2722 ნახვა

გირჩევთ

ახლა კითხულობენ

გადახედვა

საფრანგეთის სენატმა Shein-ისა და Temu-ს წინააღმდეგ კანონპროექტი დაამტკიცა

საფრანგეთის სენატმა თითქმის ერთსულოვნად დაუჭირა მხარი კანონპროექტს, რომელიც მიზნად ისახავს სწრაფი მოდის სექტორის მიერ…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~