დისტანციური სწავლება საქართველოში, ისევე როგორც მსოფლიოს სხვა ქვეყნებში, დღითიდღე მეტ პოპულარობას იძენს. ონლაინ პლატფორმები საშუალებას აძლევს მსმენელებს, მიიღონ ხარისხიანი სასწავლო რესურსები დროისა და ადგილის შეზღუდვის გარეშე, ეს კი მათთვის, ვისაც დროის მუდმივი დეფიციტი აქვს, განსაკუთრებული შესაძლებლობაა.

როგორ შეხვდნენ ონლაინ კურსებზე გაზრდილ მოთხოვნას ინგლისური ენის ცენტრები საქართველოში და, ზოგადად, რა უპირატესობები აქვს უცხო ენის დისტანციურად სწავლას? ამ თემებზე განსაკუთრებით საინტერესოა ბრიტანული ცენტრის გამოცდილება, რადგანაც ის ერთ-ერთი პირველი ორგანიზაციაა, რომელმაც ინგლისური ენის ონლაინ სწავლება საქართველოში წარმატებით დანერგა.

ბრიტანული ცენტრი ინგლისის ქალანის მეთოდის ორგანიზაციის (CMO) ექსკლუზიური წარმომადგენელია საქართველოში და უკვე 19 წელია ინგლისურ ენას სხვადასხვა ასაკისა თუ პროფესიის მსმენელებს თანამედროვე მიდგომებით ასწავლის. დისტანციური სწავლების გარკვეული გამოცდილება ცენტრს პანდემიამდე უკვე დაგროვილი ჰქონდა, რადგანაც ამ მიმართულებით მომხმარებლებისგან, განსაკუთრებით ემიგრანტებისგან, მუდმივად იყო მოთხოვნა. აკადემიური პერსონალი კი, ინგლისელი პარტნიორების დახმარებით, ონლაინ სწავლების საკითხებზე უკვე გადამზადებული იყო. დისტანციური სწავლების დანერგვიდან მალევე, მსმენელებთან უკუკავშირისას გამოიკვეთა, რომ ისინი განსაკუთრებით კმაყოფილები იყვნენ იმით, რომ ინგლისური ენის შესწავლა კიდევ უფრო ხელმისაწვდომი, მოქნილი და ეფექტური გახდა. მსმენელები სხვადასხვა დადებით მხარეზე აკეთებდნენ აქცენტს, რომლებსაც ქვემოთ გაგიზიარებთ:

1. დროის ეკონომია

ენის შემსწავლელ ცენტრამდე და უკან, საშუალოდ, იგივე დროს ვხარჯავთ, რასაც გაკვეთილზე. ეს ნიშნავს, რომ ონლაინ სწავლისას ენას ორჯერ მეტ დროს დაუთმობთ და, შესაბამისად, თითქმის ორჯერ უფრო სწრაფად შეისწავლით.

2. ფასი

ონლაინ კურსები უფრო ხელმისაწვდომია. ასევე, გასათვალისწინებელია, რომ ამ შემთხვევაში მგზავრობის ხარჯებიც არ გექნებათ.

3. კომფორტი

კურსზე დასწრება შეგიძლიათ ნებისმიერი ლოკაციიდან, თქვენთვის კომფორტული სივრციდან. გაკვეთილის გაცდენა არ მოგიწევთ ძირითადი საცხოვრებელი ადგილის დატოვების შემთხვევაში სამსახურებრივი მივლინების თუ ოჯახური მოგზაურობისას. ასევე, რაც შემოდგომა-ზამთრის პერიოდში განსაკუთრებით აქტუალურია, არც ცუდი ამინდი შეგიქმნით დისკომფორტს.

4. მეტი თავდაჯერება

ონლაინ გაკვეთილები საუკეთესო შესაძლებლობაა მათთვის, ვისაც ნაკლები თავდაჯერება აქვს. გამოცდილება აჩვენებს, რომ ისინი დისტანციურად უფრო აქტიურები არიან, ნაკლებად ერიდებიან საუბარს და საკუთარი აზრის გამოთქმას.

თუ ფიქრობთ, რომ ეს უპირატესობები თქვენთვისაც მნიშვნელოვანია, დროა შეარჩიოთ ინგლისური ენის შემსწავლელი ცენტრი. ბრიტანულ ცენტრში ონლაინ კურსებზე რეგისტრაცია ყოველდღიურად მიმდინარეობს და გარდა პედაგოგთან ვიდეო გაკვეთილებისა, შექმნილია ინტერაქტიური სწავლების ონლაინ პლატფორმა და მობილური აპლიკაცია. მეთოდის ეფექტურობასა და სწავლების ხარისხში დასარწმუნებლად კი, უფასო საცდელ გაკვეთილზე რეგისტრაციაც შესაძლებელია.

მეტი ინფორმაციისთვის: www.bc.ge