იუსტიციის უმაღლესი საბჭოს მდივანმა, ლევან მურუსიძემ განმარტა, რომ მოსამართლე ნათია გუჯაბიძის საქმეზე იუსტიციის უმაღლესმა საბჭომ დაახლოებით 2 წლის წინ იმსჯელა, თუმცა ვერანაირი სამართლებრივი და დისციპლინური გადაცდომა ვერ აღმოაჩინა. ჟურნალისტების შეკითხვას, ნამდვილად ოჯახის წევრისგან ქირაობდა თუ არა გუჯაბიძე ბინას, მურუსიძემ უპასუხა, რომ საბჭოს განცხადებაში ყველაფერი, რაც კონფიდენციალური არაა, წერია და სთხოვა მათ მისთვის სხვა კითხვა დაესვა:

"დისციპლინური სამართალწარმოება არის კონფიდენციალური. იუსტიციის საბჭომაც გასცა პასუხი და აღნიშნა, რომ ზოგადად გუჯაბიძის მიმართ არასდროს ყოფილა რაიმე სახდელი დაკისრებული. რაც შეეხება, რატომ შეუწყდა ქირა, ეს არ არის კონფიდენციალური და პირდაპირ შემიძლია გითხრათ, რომ მან თავად განცხადებით მიმართა საბჭოს და უარი განაცხადა ქირაზე. მიზეზი რა იყო, არ ვიცი".

რუსთავი 2-ის ურნალისტის განმეორებით შეკითხვას, იცოდა თუ არა საბჭომ, რომ ნათია გუჯაბიძე თავისი ოჯახის წევრისგან ქირაობდა ბინას, მურუსიძემ უპასუხა:

"ჩვენ ამ კითხვაზე გიპასუხეთ განცხადებით. მეტს ვერაფერს გეტყვით. მე გითხარით, რომ სარეკომენდაციო ბარათი და არც დისციპლინური რაიმე სახდელი გუჯაბიძის მიმართ საბჭოს მიერ არ გამოყენებულა".

1 ივნისს რუსთავი 2-ისგენერალურმა დირექტორმა, ნიკა გვარამიამ განაცხადა, რომ ამავე ტელეკომპანიის საქმის მოსამართლე, ნათია გუჯაბიძე "თაღლითობაშია შემჩნეული", რადგან სახელმწიფოს თანხებით ბინას თავისივე დედისგან ქირაობდა.