ინფორმაცია ამის შესახებ იაპონიის ოფიციალურმა პირებმა დაადასტურეს.

რატომ არის მნიშვნელოვანი: მარტის შემდეგ ეს ფხენიანის პირველი რაკეტაა, რომელიც იაპონიის ეკონომიკურ ზონაში დაეშვა.

  • განსაკუთრებული ეკონომიკური ზონა (EEZ), გაეროს 1982 წლის საზღვაო სამართლის კონვენციით, არის ტერიტორია, სადაც სუვერენულ სახელმწიფოს აქვს სპეციალური უფლებები საზღვაო რესურსების ძიებასა და გამოყენებაზე.
  • 4 ოქტომბერს, როცა ჩრდილოეთ კორეამ იაპონიის მიმართულებით 2017 წლის შემდეგ პირველი რაკეტა ისროლა, საერთაშორისო მედიაში ვარაუდები გაჩნდა, რომ ქვეყანა ბირთვულ არსენალს აფართოებს, რათა ის, საბოლოო ჯამში, აშშ-ზე ზეწოლისთვის გამოიყენოს.
  • გაერო ჩრდილოეთ კორეას ბალისტიკური და ბირთვული იარაღის გამოცდას უკრძალავს.
  • რაკეტების ფრენა სხვა ქვეყნების მიმართულებით ან მათ ცაზე საერთაშორისო ნორმებს ეწინააღმდეგება და უკიდურესად პროვოკაციულ ქმედებად ითვლება.

დეტალები: იაპონიის თავდაცვის მინისტრმა განაცხადა, რომ ჩრდილოეთ კორეიდან გაშვებული რაკეტის დიაპაზონი საკმარისი იყო, რომ აშშ-ს ტერიტორიისთვის დაერტყა.

  • იაპონიის პრემიერმინისტრმა, ფუმიო კიშიდამ ჩრდილოეთ კორეის ქმედება დაგმო და საკითხის შესწავლა მოითხოვა.
  • ჩრდილოეთ კორეამ ბოლო ორი თვის განმავლობაში 50-ზე მეტი რაკეტა გაუშვა, თუმცა მათი უმეტესობა — მცირე დისტანციით.
  • როგორც BBC წერს, შორ მანძილზე გაშვება უფრო იშვიათია და პირდაპირ საფრთხეს უქმნის აშშ-ს, რადგან რაკეტები შექმნილია ბირთვული ქობინების მატერიკზე გადასატანად.