ალბათ ყველა ჩვენგანს უფიქრია, თუ რა არის ხანგრძლივი ცხოვრების საიდუმლო. მერი ფლიპსს, რომელიც არიზონას შტატში, აშშ-ში, ცხოვრობს და ახლახან 101 წლის გახდა, ამ კითხვაზე შესაძლოა, ზოგიერთისთვის გასაკვირი პასუხი ჰქონდეს — მისი აზრით, ხანგრძლივი და ბედნიერი ცხოვრება არც მეტი, არც ნაკლები ტეკილას დამსახურებაა.

მას შემდეგ, რაც მერიმ დედა და და 15 წლის ასაკში დაკარგა და ოჯახის ერთადერთი დარჩენილი წევრი თავად აღმოჩნდა, 18 წლის ასაკში ჩიკაგოდან მექსიკაში გადავიდა საცხოვრებლად და სწორედ იქ შეიყვარა ტეკილა.

ფოტო: CBS 5 News

ფოტო: John Verive

ალბათ დღესდღეობით ბევრი ვერ დაიკვეხნის, რომ მოესწრო ისეთ მოვლენებს, როგორიც დიდი ამერიკული დეპრესია, ასევე, რამდენიმე ომი, ადამიანის მთვარეზე გაფრენა და ტექნოლოგიური რევოლუცია იყო, თუმცა მერიმ, რომელიც 1921 წელს დაიბადა, ეს ყველაფერი გამოიარა. ამასთან ერთად, აღზარდა 6 შვილი, მექსიკიდან დაბრუნდა ისევ სამშობლოში და გახდა ხელოვანი.

"ძალიან მომწონს ხატვა. საგნები იცვლებიან, ხატვის პროცესშიც კი. მე კი ვცდილობ, ისინი რაც შეიძლება ნამდვილს დავამსგავსო. ამის მიღწევას რა საკვირველია, დრო დასჭირდა, თუმცა სხვა არაფერი მქონდა გასაკეთებელი, ბავშვების აღზრდის გარდა."

ფოტო: CBS 5 News

მერიმ 101 წლის იუბილე ოჯახის წევრებთან ერთად აღნიშნა და როცა ისინი მის ირგვლივ ცეკვავდნენ, იხუმრა, რომ მაგიდაზე ავიდოდა და ცეკვაში თავადაც შეუერთდებოდა.

ვინ იცის, იქნებ შეასრულა კიდეც დაპირება ჭიქა ტეკილის შემდეგ.