ამის შესახებ რუსულ პროპაგანდისტულ მედიას კრემლის პრესმდივანმა, დიმიტრი პესკოვმა უთხრა.

რატომ არის მნიშვნელოვანი: დიდი ოცეულის სამიტი 15-16 ნოემბერს ინდონეზიაში, ბალიში გაიმართება და მსოფლიოს უდიდესი ეკონომიკის ქვეყნის ლიდერებს უმასპინძლებს.

  • ინდონეზიის საგარეო საქმეთა სამინისტროს პრესსპიკერის განცხადებით, 17 ქვეყნის წარმომადგენელმა უკვე დაადასტურა სამიტში მონაწილეობა.
  • რუსეთის უკრაინაში შეჭრის მიუხედავად, ინდონეზიის პრეზიდენტმა არ გააუქმა ვლადიმერ პუტინის დიდი ოცეულის სამიტზე მოწვევა.
  • უსაფრთხოების ზომების გათვალისწინებით, ინდონეზია არ ასაჯაროებს დამსწრეთა ვინაობას.
  • კიევში გამართულ ბრიფინგზე ზელენსკიმ განაცხადა, რომ სამიტს არ დაესწრება, თუ იქ პუტინიც იქნება.

დეტალები: ინდონეზიაში რუსეთის საელჩოს სპიკერმა დაადასტურა, რომ პუტინი სამიტს არ დაესწრება, მაგრამ დამატებითი განმარტება არ გაუკეთებია.

  • "გადაწყდა, რომ სერგეი ლავროვი წარმოადგენს რუსეთს G20-ის სამიტზე", — განაცხადა პესკოვმა.
  • 8 ნოემბერს Reuters-მა, ინდონეზიის მთავრობის სპიკერზე დაყრდნობით დაწერა, რომ პუტინს სამიტში მონაწილეობა, შესაძლოა, ონლაინ მიეღო.