ინფორმაციას უკრაინული მედია აზოვსტალელის პოსტზე დაყრდნობით ავრცელებს.

რატომ არის მნიშვნელოვანი: მიხაილო დიანოვი აზოვსტალის მძიმე ბრძოლებში დაშავდა და არსებული სიტუაციის გამო დროულად ვერ მიიღო სათანადო სამედიცინო დახმარება.

  • მისი კადრი, დაზიანებული ხელზე რკინის სამაგრით, მარიუპოლის მცველების შეუპოვრობის ერთ-ერთ სიმბოლოდ იქცა.
  • რუსული ტყვეობიდან გათავისუფლების შემდეგ გავრცელდა კიდევ ერთი ფოტო, რომელშიც ჩანდა, რა მდგომარეობაში აქვს მას ხელი ახლა.
  • ამიტომ უკრაინელებმა შესაბამისი მკურნალობის უზრუნველსაყოფად თანხის შეგროვება დაიწყეს.

დეტალები: როგორც დიანოვი წერს, საერთო ჯამში 24 მილიონ 430 ათასი გრივნა შეუგროვეს და სურს, ეს თანხა სხვა სამხედროებს გადასცეს, რომლებსაც მკურნალობა სჭირდებათ.

  • "მეგობრებო, თქვენი შემოწირულობა იყო არამხოლოდ მზრუნველობა, არამედ დიდი პასუხისმგებლობა. მათ უნდა იპოვონ სწორი და პატიოსანი გამოყენება",— წერს აზოვსტალის გმირი.
  • თავად მკურნალობას საზღვარგარეთ გაივლის, რასაც სრულად აფინანსებს საფეხბურთო კლუბი შახტარი.