უკრაინული მედიის ცნობით, აფეთქება 13 ოქტომბრის საღამოს მოხდა.

რატომ არის მნიშვნელოვანი: რუსული მხარე ამბობს, რომ ბელგოროდის ოლქი მუდმივად იბომბება უკრაინელი სამხედროების მიერ.

  • ამიტომ 11 აპრილიდან პუტინს რეგიონში ტერორისტული საფრთხის ყვითელი დონე აქვს ამოქმედებული.
  • რუსული პროპაგანდისტული მედიის ინფორმაციით, საზღვრისპირა სოფლის მცხოვრებლები ევაკუირებულები არიან.

დეტალები: გუშინ ბელგოროდის სოფელ ოქტიაბრსკში აფეთქებების ხმა ისმოდა.

  • პროპაგანდისტული მედია იუწყებოდა, რომ ხანძარი გაჩნდა შაქრის ქარხნის ტერიტორიაზე.
  • უკრაინის შეიარაღებული ძალების სტრატკომი ამბობს, რომ ააფეთქეს საბრძოლო მასალის საწყობი.
  • მოგვიანებით, ბელგოროდის ოლქის გუბერნატორმა, ვიაჩესლავ გლადკოვმა დაადასტურა, რომ საბრძოლო მასალის საცავი აფეთქდა.
  • რუსეთის საგამოძიებო კომიტეტი ამბობს, რომ აფეთქებამ გამოიწვია საბრძოლო მასალის დეტონაცია, არიან დაჭრილები და დაშავებულები, მათ შორის, რუსული გვარდიის წევრები.