კრემლისტური მედია Tass წერს, რომ განკარგულებით ზაპოროჟიეს ატომური ელექტროსადგურის რუსეთის ფედერალური აქტივების სიაში შედის.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც გაჟონვის საფრთხეს ზრდიდა.

  • ზაპოროჟიეს სადგური კომპანია ენერგოდარის ნაწილია, პუტინის განკარგულებით, კი როსატომის სახელმწიფო კორპორაციის შემადგენლობაში "გადადის".

ატომურ ელექტროსადგურში კვლავ იმყოფებიან უკრაინელები, რომლებიც იქ მუშაობდნენ.

  • რამდენიმე დღის წინ რუსეთის სამხედროებმა დააკავეს ზაპოროჟიეს ატომური ელექტროსადგურის გენერალური დირექტორი, მოგვიანებით გაათავისუფლეს მაგრამ იძულებული გახდა უკრაინის კონტროლირებად ტერიტორიაზე გადასულიყო.

დეტალები: განკარგულების მიხედვით, რუსეთის მთავრობამ უნდა მიიღოს ზომები ზაპოროჟიეს ატომური ელექტროსადგურისა და მისი ფუნქციონირებისთვის საჭირო სხვა ობიექტებზე ფედერალური საკუთრების დასამყარებლად.

  • პუტინმა მთავრობას დაავალა შექმნას უნიტარული საწარმო, რომლის კუთვნილებაშიც იქნება სადგურის ქონება. მისი ექსპლუატაციის საკითხებით დაკავებული იქნება სააქციო საზოგადოება.
  • დოკუმენტის მიხედვით, ოპერირებასთან დაკავშირებით, 30 სექტემბრამდე გაცემული ყველა ნებართვა, ძალაში რჩება რუსეთის კანონების შესაბამისად, ახალი დოკუმენტების გამოცემამდე.

უკრაინა: საგარეო საქმეთა სამინისტრო გმობს პუტინის მცდელობას, კონტროლი დაამყაროს ბირთვულ სადგურზე და მას დანაშაულს უწოდებს, რომელიც ბირთვული უსაფრთხოების სფეროში რისკებსა და საფრთხეებს კიდევ უფრო ზრდის.

  • "ვთავაზობთ ევროკავშირს, G7-სა და სხვა პარტნიორებს, დაუყოვნებლივ განიხილონ სანქციების დაწესება რუსული სახელმწიფო კორპორაციის როსატომის, მასთან აფილირებული კომპანიების და ინსტიტუტების, ასევე რუსეთის ბირთვული ენერგეტიკის სხვა საკვანძო ფაქტორების წინააღმდეგ".

გარდა ამისა, პრეზიდენტის ადმინისტრაციის უფროსის მრჩეველი წერს, რომ რუსეთის მხრიდან ზაპოროჟიეში "ლეგალური რეიდის" მცდელობა მოითხოვს დაუყოვნებლივ რეაგირებას:

  • "სანქციები როსატომის წინააღმდეგ;
  • შეწყდეს ყველანაირი ატომური ობიექტების მშენებლობა რუსეთის მონაწილეობით;
  • რუსეთთან ყოველგვარი პარტნიორობაზე უარი ატომურ ინდუსტრიაში".

ცნობილი გახდა, რომ ატომური ენერგიის საერთაშორისო სააგენტოს გენერალური დირექტორი კიევში გაემგზავრა.

  • მისი თქმით, ზაპორიჟიეს ატომური ელექტროსადგურის გარშემო ბირთვული უსაფრთხოებისა და უსაფრთხოების დაცვის ზონის (NSSPZ) საჭიროება ახლა უფრო აქტუალურია, ვიდრე ოდესმე.

აქრივიდან: 25 აგვისტოს, ისტორიაში პირველად, ენერგოქსელიდან ზაპოროჟიეს ატომური ელექტროსადგურის ყველა ბლოკი გაითიშა. მომდევნო დღეს კი ერთი წყაროდან განახლდა.

  • 11 სექტემბერს ელექტროსადგურის მუშაობა კიდევ ერთხელ სრულად შეჩერდა. ენერგოატომი ამბობდა, რომ უკრაინის სისტემა რუსული დაბომბვის შედეგად დაზიანდა.
  • ექვსივე რეაქტორი ცივი შეჩერების რეჟიმში მუშაობის, თუმცა უსაფრთხოებისთვის მათ ელექტროენერგია მაინც სჭირდება.