მუმლაძე ყველა კადრის გასაჯაროებას ითხოვს და აცხადებს, რომ თუ მისი დანაშაული გამოჩნდება, პასუხს აგებს.

რატომ არის მნიშვნელოვანი: ბოლო პერიოდში მედიაში ვრცელდებოდა ცნობები, რომ ნაციონალურ მოძრაობაში დაპირისპირებაა.

  • დღეს პარტიამ ოფიციალური განცხადება გაავრცელა, სადაც პროვოკაციების მოწყობის მცდელობებზე ისაუბრა და აღნიშნა, რომ ეს "რუსული ოცნების სტრატეგიაა";
  • ამასთან, დღეს ცნობილი გახდა ისიც, რომ ბადრი ბასიშვილმა ენმ-ის პოლიტსაბჭო დატოვა.

დეტალები: აქტივისტის თქმით, პარტიის ოფისში ნიკა მელიას თხოვნით მივიდნენ, რათა გაერკვიათ, კონკრეტულად, ლაშა ხუსკივაძესთან დაკავშირებით რატომ ვრცელდებოდა პარტიაში, რომ სუს-ის აგენტი იყო.

  • "გასაჯაროვდეს ყველა კადრი, თუ გამოჩნდება, რომ მე რამეს ვაშავებ, მზად ვარ, პასუხი ვაგო, რომ გამოჩნდება ზუსტად, რომ ისინი აშავებენ და საკუთარ აქტივისტებს, მხარდამჭერებს, თანამოაზრეებს Facebook-პოსტების გამო, კრიტიკული აზრების გამო ასე ექცევიან, ეს ხალხი საშიშები არიან";
  • "პირდაპირ გეტყვით, ნიკა მელიას ამ მეთოდებით აქვს ძალაუფლება უზურპირებული ნაციონალურ მოძრაობაში";
  • "უკანასკნელი საქციელია, როცა დაცვას ამოფარებული ადამიანი ცდილობს შენს დაჩაგვრას, რომელიც წამახალისებელია შენზე ფიზიკური ძალადობის და შემდეგ გეუბნება, რომ პროვოკაცია აქეთ მოუწყვე. არავის არ შერჩება და არ ვაპატიებ".

მუმლაძემ ენმ-ის ამომრჩევლებს მიმართა და აღნიშნა, რომ "ასეთი ფორმალური თავმჯდომარით" ხელისუფლებას ვერ შეცვლიან.

  • "მივმართავ ენმ-ის ამომრჩეველს: თქვენ თუ გინდათ, რომ ასეთი ფორმალური თავმჯდომარე გყავდეთ და ამ ხალხით გინდათ ხელისუფლება შეცვალოთ, ეს ვერ მოხდება. ბიძინა ივანიშვილი 1000-ით ნულს მოგვიგებს ყოველთვის".