მიხაილო მიზინცევი თავდაცვის მინისტრის მოადგილის პოსტზე ლოგისტიკურ საკითხებს უხელმძღვანელებს.

რატომ არის მნიშვნელოვანი: როგორც უკრაინსკა პრავდა წერს, დასავლური მედია მიხაილო მიზინცევს "მარიუპოლის ჯალათად" მოიხსენიებს.

  • Meduza-ს ცნობით, მიზინცევი მარიუპოლის ალყას გაზაფხულზე ხელმძღვანელობდა — სწორედ მის სახელს უკავშირებენ მარიუპოლში მომხდარი სისასტიკეებისა ჩადენას.
  • მარტის ბოლოს ბრიტანეთის მთავრობამ მას სანქციები დაუწესა.

დეტალები: გენერლ-პოლკოვნიკი მიხაილო მიზინცევი პოსტზე დმიტრი ბულგაკოვის ნაცვლად დაინიშნა.

  • მედიების ცნობით, ბულგაკოვი "სხვა პოსტზე" გადადის, თუმცა სად, დეტალები არ გავრცელებულა.

არქივიდან: 21 სექტემბერს პუტინმა რუსეთში "ნაწილობრივი მობილიზაცია" გამოაცხადა.

  • აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;
  • ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.