როგორც მომღერალი სოციალურ ქსელში წერს, რომ ამ ნაბიჯით თავისი ქმრის, მაქსიმ გალკინის მიმართ გამოხატავს სოლიდარობას და თხოვნით რუსეთის იუსტიციის სამინისტროს მიმართავს.

რატომ არის მნიშვნელოვანი: მომღერლის ეს ნაბიჯი 16 სექტემბერს გალკინის უცხოელ აგენტთა სიაში შეყვანას მოჰყვა.

დეტალები: პუგაჩოვა გალკინს, "რუსეთის ნამდვილ პატრიოტს" უწოდებს, რომელსაც, "სურს ბოლო მოეღოს მოჩვენებითი მიზნებისთვის" მათი ბიჭების სიკვდილს.

  • მომღერლის თქმით, გალკინს სამშობლოსთვის "კეთილდღეობა, მშვიდობა და სიტყვის თავისუფლება სურდა".

4 სექტემბერს პუგაჩოვა სოციალურ ქსელში საბჭოთა კავშირის პრეზიდენტის, მიხეილ გორბაჩოვის სიკვდილს გამოეხმაურა.

  • "წავიდა ეპოქა, რომელშიც თავისუფლება მოვიპოვეთ და დასრულდა "ბოროტების იმპერია" მთელი მსოფლიოსთვის და გაქრა ჩვენი შვილების მომავლის შიში", — წერდა ის.
  • მისივე სიტყვებით, პოლიტიკოსებს შეუძლიათ დაუშვან შეცდომა, მთავარია "ის არ გახდეს კაცობრიობისთვის სამედისწერო".

არქივიდან: პუგაჩოვამ და გალკინმა რუსეთის უკრაინაში შეჭრის შემდეგ ქვეყანა დატოვეს, თუმცა მომღერალი გასული თვის ბოლოს შვილებთან ერთად რუსეთში დაბრუნდა.

  • გალკინი პუტინისა და კრემლის პოლიტიკას ღიად აკრიტიკებს — დაგმო ომი და განაცხადა, რომ უკრაინაში შეჭრას არ შეიძლება გამართლება ჰქონდეს.
  • სექტემბრის დასაწყისში პუტინის სპიკერმა, დმიტრი პესკოვმა გალკინზე თქვა, რომ
    "მათი გზები აშკარად განსხვავებული იყო, რადგან ძალიან ცუდი განცხადებები გააკეთა".