ამის შესახებ რუსეთის პრეზიდენტმა არმია-2022-ის გახსნის ცერემონიაზე ისაუბრა. მის კომენტარს CNN ავრცელებს.

რატომ არის მნიშვნელოვანი: პუტინი თავის მოკავშირეებად, ლათინური ამერიკის, აზიისა და აფრიკის ქვეყნებს ასახელებს.

  • მისი თქმით, რუსეთი ქვეყნებთან "ისტორიულად ძლიერ, მეგობრულ და ნამდვილად სანდო კავშირებს" აფასებს;
  • სავარაუდოა, რომ უკრაინასთან ომის დაწყების შემდეგ დასუსტებული და ყოველმხრივ სანქცირებული მოსკოვი თავისი კავშირების გაძლიერებას ცდილობს.

დეტალები: ვლადიმერ პუტინი აცხადებს, რომ მზად არიან მოკავშირეებს "ყველაზე თანამედროვე ტიპის" იარაღები შესთავაზონ.

  • მათ შორის, მცირე იარაღები, არტილერია, ჯავშანტექნიკა, საბრძოლო ავიაცია და უპილოტო საფრენი აპარატები.
  • "ჩვენ ძალიან ვაფასებთ, რომ ჩვენს ქვეყანას სხვადასხვა კონტინენტზე ბევრი მოკავშირე, პარტნიორი, თანამოაზრე ჰყავს".

პუტინი უპირატესობას ხედავს რუსეთში უცხოელი სამხედროების მომზადებაში და მოკავშირეებს ერთობლივი სამხედრო წვრთნების ჩასატარებლად იწვევს.

  • "მსოფლიოს გარშემო ათასობით შესანიშნავი სამხედრო პროფესიონალია ჩვენი ქვეყნის სამხედრო უნივერსიტეტებისა და აკადემიების საამაყო კურსდამთავრებული".