უკრაინის პრეზიდენტი ვოლოდიმირ ზელენსკი ბორის ნემცოვის პრემიის ლაურეატი გახდა. ბორის ნემცოვის თავისუფლების ფონდის განცხადებით, საომარი ვითარების გათვალისწინებით, პრიზზე უკრაინის წარმომადგენლები წარდგენეს.

ნომინანტებს შორის იყვნენ, Okean Elzy-ის სოლისტი სვიატოსლავ ვაკარჩუკი, მეომარ-მედიკოსთა დანაყოფის დამფუძნებელი იულია პაევსკაია, უკრაინის პრეზიდენტის ადმინისტრაციის უფროსის მრჩეველი ალექსეი არესტოვიჩი და სხვები.

ბორის ნემცოვი რუსი ოპოზიციონერი იყო. ის მოსკოვში, კრემლთან ახლოს, 2015 წლის 27 თებერვალს უცნობმა პირებმა მოკლეს. მოგვიანებით, მისი მკვლელობის ბრალდებით წარმოშობით ჩეჩენი რუსეთის მოქალაქეები გაასამართლეს. პუტინის მოკლული ოპონენტის ოჯახის წევრები აღნიშნულს არასაკმარისად მიიჩნევენ, რადგან, მათი აზრით, გამოძიებას დამკვეთი არ გამოუვლენია.