პოპულარულობა, მუდამ ყურადღების ცენტრში ყოფნა, სიმდიდრე, პრივილეგიები — ეს ყველაფერი ცნობილი ადამიანების ცხოვრების განუყოფელი ნაწილია. მიუხედავად იმისა, რომ უამრავი ადამიანი მათ ცხოვრებაზე ოცნებობს და ხშირად ვფიქრობთ, რომ ერთი სადარდებელიც კი არ აქვთ, როგორც ჩანს, საქმე ასე მარტივად სულაც არაა.

წლების განმავლობაში უამრავი ცნობილი ადამიანი ალაპარაკდა გულწრფელად იმაზე, თუ რისი დათმობა უწევთ პოპულარულობისა და კარიერისთვის. თუ მათ ნათქვამს დავუჯერებთ, ვარსკვლავობა სულაც არაა ისეთი შესაშური, როგორიც ხშირად გვგონია.

მაშ ასე, წარმოგიდგენთ 10 ცნობილ ადამიანს, რომელმაც ვარსკვლავად ყოფნის სირთულეებზე ილაპარაკა:

1. მეგან ფოქსი

"ყველა ფიქრობს, რომ უნდა მოვკეტოთ და არ ვიწუწუნოთ, რადგან დიდ სახლში ვცხოვრობთ და ბენტლის ვატარებთ. ხალხი ვერ იაზრებს იმას, რომ მილიონობით ადამიანი გამუდმებით გვაბულინგებს", — განაცხადა მეგან ფოქსმა Fox-თან ინტერვიუში.

2. რობერტ პატინსონი

"ხალხი ვერ ხვდება, რამდენად მარტოსული ხარ. თავს იღბლიანად ვთვლი, რომ წარმატებას ადრეულ ასაკში ვერ მივაღწიე — ასე წარმატებამდე ცხოვრება მაინც მქონდა", — თქვა რობერტმა GQ-სთან ინტერვიუში.

3. ბრედ პიტი

ბრედ პიტს არ მოსწონს, რომ პირადი ცხოვრების სხვებისთვის გაზიარება უწევს: "რატომღაც როცა გადაცემებში არ მიდიხარ და შენს პირად ცხოვრებაზე არ ლაპარაკობ, იმას ნიშნავს, რომ შენს ფილმს მხარს არ უჭერ", — თქვა მსახიობმა.

4. ჯენიფერ ლოურენსი

ჯენიფერ ლოურენსს განსაკუთრებით პაპარაცები აწუხებენ: "მგონია, რომ შესვენების უფლება უნდა გვქონდეს. სამი თვით. 'სამთვიან შვებულებაში ვარ, ამიტომ ფოტოს ვერ გადამიღებ'. დიდი სიამოვნებით გავაკონტროლებდი ჩემთვის ფოტოების გადაღებას", — განაცხადა მსახიობმა.

5. დენიელ რედკლიფი

დენიელ რედკლიფმა პოპულარულობის გამო სმა დაიწყო: "ყველაზე სწრაფი გზა იმის დასავიწყებლად, რომ ყველა შენ გიყურებს, დალევა იყო", — განაცხადა მან.

6. მილა კუნისი

"როცა ორსულად ვიყავი, ტაბლოიდებმა დაწერეს, რომ ცუდად გავხდი და საავადმყოფოში გადამიყვანეს, ჩემი სახე კი გარეკანზე მოხვდა. ვერავინ წარმოიდგენს, რამხელა სტრესი მიიღო ჩემმა ოჯახმა", — გაიხსენა მილა კუნისმა.

7. კიანუ რივზი

კიანუ პაპარაცის ვერ უსხლტება: "დილით გამოვალ, რათა გაზეთი ავიღო და ისინი იქ არიან. გალიაში გამომწყვდეული ცხოველივით ვგრძნობ თავს", — თქვა მსახიობმა.

8. ლედი გაგა

"დილაობით ვიღვიძებდი და ვიაზრებდი, რომ ლედი გაგა ვარ. ცუდ ხასიათზე ვდგებოდი, რადგან არ მინდოდა, ჩემი თავი ვყოფილიყავი. მეშინოდა ყველაფრის, რაც ჩემმა კარიერამ ჩემს ცხოვრებასა და ცხოვრების ტემპში შემოიტანა", — აღიარა ლედი გაგამ.

9. ქარდი ბი

"ერთი უარყოფითი ისაა, რომ მართალია ბედნიერი ვარ, მაგრამ ვგრძნობ, რომ 2-3 წლის წინ უფრო ბედნიერი ვიყავი, როცა ნაკლები ფული მქონდა. ნაკლებ ადამიანს ჰქონდა ჩემს ცხოვრებაზე საკუთარი მოსაზრებები. ვგრძნობდი, რომ ჩემი ცხოვრება ჩემი იყო. ახლა ვგრძნობ, რომ ჩემი ცხოვრება ჩემი არაა. ვგრძნობ, რომ მსოფლიოს ვეკუთვნი", — თქვა მუსიკოსმა.

10. კამერონ დიაზი

"პოპულარულობა ჩვილად გაქცევს. ის დამოუკიდებლობისა და საკუთარი თავის მიხედვის უნარს გართმევს", — განაცხადა მსახიობმა.