საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის განცხადებით, საქართველოსა და მოლდოვასთვის სამხედრო დახმარების გაზრდის საკითხს განიხილავენ. ამის შესახებ მან ევროპარლამენტის პლენარულ სხდომაზე ისაუბრა.

"დავაყენეთ საკითხი არალეტალური სამხედრო დახმარების გაზრდაზე საქართველოსა და მოლდოვის სასარგებლოდ. ის ხელს შეუწყობს ლოჯისტიკის, კიბერთავდაცვის, სამხედრო-სამედიცინო, საინჟინრო და მობილობის შესაძლებლობებს. მათ ივნისში წარვადგენთ საბჭოს მიერ დაგეგმილი მიღებისთვის", — თქვა მან.

ბორელმა აღნიშნა, რომ დღეს უკრაინის, საქართველოსა და მოლდოვას მხარდაჭერა იმდენად მნიშვნელოვანია, როგორც არასდროს. მისი თქმით, ევროკავშირი განაგრძობს პარტნიორების მხარდაჭერას და მათთან კავშირის განმტკიცებას.

"ევროკავშირი მტკიცედ აგრძელებს უკრაინის მხარდაჭერას ამ ომის მოსაგებად. უკრაინის წინააღმდეგ რუსეთის უკანონო და არაპროვოცირებული აგრესიის კონტექსტში, სტრატეგიული კომპასი აშკარად ხაზს უსვამს ჩვენს განზრახვას, გავაძლიეროთ ჩვენი თანამშრომლობა უსაფრთხოებისა და თავდაცვის სფეროში ჩვენს აღმოსავლურ პარტნიორებთან. უკრაინის, საქართველოს, მოლდოვასა და სამხრეთ კავკასიის ქვეყნების მხარდაჭერა მნიშვნელოვანია იმდენად, რამდენადაც არასდროს ყოფილა. ჩვენ გავაგრძელებთ ჩვენი პარტნიორების მხარდაჭერას და მათთან კავშირების განმტკიცებას", — ამბობს ბორელი.