საფრანგეთის პრეზიდენტი, ემანუელ მაკრონი ამბობს, რომ პუტინის ისტორიული შეცდომის მიუხედავად, რუსეთი არ უნდა დამცირდეს. მისი თქმით, სასიცოცხლოდ მნიშვნელოვანია, რომ უკრაინაში ომის შეწყვეტის დიპლომატიური გამოსავალი მოიძებნოს და დასძენს, რომ სჯერა, კონფლიქტის დასასრულებლად შუამავლის როლს პარიზი შეასრულებს.

"ჩვენ არ უნდა დავამციროთ რუსეთი, რათა იმ დღეს, როდესაც ომი დასრულდება ჩვენ გამოსავლის პოვნა დიპლომატიური გზებით შევძლოთ. დარწმუნებული ვარ, მედიატორის როლს საფრანგეთი შეასრულებს", — ამბობს ის.

საფრანგეთის პრეზიდენტის თქმით, პუტინს საუბრისას უთხრა, რომ ის ისტორიულ და ფუნდამენტურ შეცდომას უშვებს, როგორც თავისი ხალხის, ასევე, საკუთარი თავისა და ისტორიის მიმართ.