შოპინგისა და განსაკუთრებით ფილმ Pretty Woman-ის გულშემატკივრებს ამიერიდან შეეძლებათ ჯულია რობერტსის პერსონაჟის, ვივიენის კოსტიუმი 136 ფუნტად შეიძინონ.

ფილმი ლამაზმანი წელს 27 წლის გახდა, ეს კოსტიუმი კი ფილმის ერთ-ერთი სავიზიტო ბარათი გახდა.

გადაღებები ჯერ კიდევ არ იყო დასრულებული, როცა ჯულიას ნიჭის შესახებ ხმა ჰოლივუდის ცნობილ პროდიუსერებამდე მივიდა. პავილიონს ხან ერთი კინოკომპანიის წარმომადგენლები სტუმრობდნენ, ხანაც - მეორე. ყველა მათგანი ჯულიასთან ითხოვდა შეხვედრას, ის კი იმდენად იყო გადაღების პროცესში ჩართული, რომ ყველას უარით ისტუმრებდა.

ფილმის პრემიერა 1990 წლის 23 მარტს შედგა, მისი ბიუჯეტი 14 მილიონი იყო, შემოსავალი კი - 460 მილიონ დოლარზე მეტი. ლამაზმანი არის პირველი და ამ დრომდე ერთადერთი რომანტიკული კომედიაა, რომელმაც ამხელა მოგება მოუტანა კინოკომპანიას.

ფილმმა არაერთი ჯილდო მოიპოვა. ჯულია რობერტსი ქალის როლის საუკეთესოდ შესრულებისთვის ოსკარზეც წარადგინეს.

ლამაზმანს ფილმში მონაწილეობისთვის მხოლოდ $300 ათასი გადაუხადეს. 10 წლის შემდეგ კი ის პირველი მსახიობი გახდა, რომელმაც როლისთვის 25 მილიონი მიიღო.

სწორედ აქედან დაიწყო ჯულიას კარიერის აღმასვლა. მისი ფილმები არნახული პოპულარობით სარგებლობდა, ჰონორარი კი წლიდან წლამდე რამდენიმე მილიონით იზრდებოდა.