უკრაინის ვიცეპრემიერის, ირინა ვერეშჩუკის განცხადებით, უკრაინამ და რუსეთმა ტყვეები გაცვალეს. მისი თქმით, 7 სამხედრო და 7 სამოქალაქო პირი დაიბრუნეს, მათ შორისაა ხუთი თვის ორსული სამხედრო.

"ჩემთვის ეს გაცვლა განსაკუთრებულია", — წერს ის.

პირველად უკრაინამ და რუსეთმა ტყვეები 24 მარტს გაცვალეს. 10 ოკუპანტი ტყვის სანაცვლოდ, 10 უკრაინელი ტყვე გაათავისუფლეს. პირველ აპრილს კი 86 უკრაინელი სამხედრო გაათავისუფლეს. 19 აპრილს კი 60 სამხედრო და 16 მშვიდობიანი მოქალაქე დაიბრუნა უკრაინულმა მხარემ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.