ელიავას ბაზრობის მიმდებარე ტერიტორიაზე მომხდარ ავარიას ერთი ქვეითის სიცოცხლე ემსხვერპლა. კიდევ ერთი ფეხით მოსიარულე კი დაშავებულია და საავადმყოფოშია გადაყვანილი.

შინაგან საქმეთა სამინისტრომ On.ge-ს განუცხადა, რომ ფაქტზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რომელმაც ადამიანის სიცოცხლის მოსპობა გამოიწვია.