რა მოხდება, თუ წყალბადის მოლეკულას კვანტურ სენსორად გამოვიყენებთ და ეს ტერაჰერცის ლაზერით აღჭურვილი სკანირებისას? ამით საშუალება მოგვეცემა გავზომოთ მასალების ქიმიური თვისებები უპრეცედენტო დროისა და სივრცითი გარჩევადობით.

ეს ახალი მეთოდი შეიმუშავეს კალიფორნიის უნივერსიტეტის ფიზიკოსებმა, ირვინში, ნათქვამია ინსტიტუტის მიერ პარასკევს გამოქვეყნებულ განცხადებაში.

ბევრად უფრო მგრძნობიარე კვანტური მიკროსკოპი

"ეს უდიდესი წინსვლაა, როგორც გაზომვის მხრივ, ისე ახალი კვლევებისთვის. კვანტური მიკროსკოპი, რომელიც ეყრდნობა მდგომარეობების თანმიმდევრული სუპერპოზიციის გამოკვლევას ორ დონის სისტემაში, ბევრად უფრო მგრძნობიარეა, ვიდრე არსებული ინსტრუმენტები. სხვა ყველა ტექნიკა, რომლებიც არ არის დაფუძნებული კვანტური ფიზიკის ამ პრინციპზე მასთან უბრალოდ ვერ მივა", — ამბობენ მკვლევრები.

ასევე: მეცნიერებმა ახალი კვანტური მიკროსკოპით აქამდე უხილავი სტრუქტურები დაინახეს

მკვლევრებმა მიაღწიეს ორი მდგომარეობის სუპერპოზიციას ლაზერული პულსის საშუალებით. ამ ახლად შემუშავებული სისტემით ძირითადი მდგომარეობიდან აგზნებად მდგომარეობაში ციკლური გზით გადაყვანა მოხერხდა. მიუხედავად იმისა, რომ ციკლური რხევების ხანგრძლივობა სულ რაღაც ათეულ პიკოწამს გაგრძელდა, მეცნიერებმა მაინც შეძლეს დაენახათ როგორ ურთიერთქმედებდა წყალბადის მოლეკულა გარემოსთან.

წყალბადის მოლეკულა შეერწყა კვანტურ მიკროსკოპს

"წყალბადის მოლეკულა გახდა კვანტური მიკროსკოპის ნაწილი იმ გაგებით, რომ სადაც კი მიკროსკოპი ფუნქციონირებდა, წყალბადი იქ იყო. ეს ქმნის უკიდურესად მგრძნობიარე ზონდს, რომელიც საშუალებას გვაძლევს დავინახოთ ვარიაციები 0,1 ანგსტრომამდე", — ამბობენ მკვლევრები.

მკვლევრები აღნიშანვენ, რომ ექსპერიმენტი წარმოადგენს ქიმიურად მგრძნობიარე სპექტროსკოპიის პირველ დემონსტრირებას, რომელიც დაფუძნებულია ტერაჰერცით გამოწვეულ რექტიფიკაციის დენზე ერთი მოლეკულის მეშვეობით. ახალი ტექნიკა სასარგებლო იქნება მოწინავე ენერგეტიკულ სისტემებში, ელექტრონიკაში და კვანტურ კომპიუტერებშიც კი.

კვლევა ჟურნალ Science-ში გამოქვეყნდა.