დროებით ოკუპირებულ მელიტოპოლში ოკუპანტებმა ბულგარეთის საპატიო კონსული გაიტაცეს. ამაზე ინფორმაციას მელიტოპოლის მერი ივან ფედოროვი ავრცელებს.

"ჩემი 50-ზე მეტი კოლეგა გაიტაცეს მთელი ქვეყნის მასშტაბით, დღეს 29 ოკუპანტების ციხეშია.

რაც შეეხებათ აქტივისტებს, ბიზნესმენებს, ეს ოკუპანტების პრაქტიკაა. ისინი იტაცებენ ყველას, ვისაც საკუთარი აზრი, პატრიოტული განწყობა აქვს.

რამდენიმე საათის წინ ცნობილი გახდა, რომ მელიტოპოლიდან ბულგარეთის საპატიო კონსული გაიტაცეს", — აცხადებს ფედოროვი.

მოგვიანებით ბულგარეთის ადგილობრივმა მედიამ გაავრცელა ინფორმაცია, რომ ქვეყნის საგარეო უწყება ამ ინფორმაციას უარყოფს და აცხადებს, რომ კონსული უსაფრთხოდ არის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში