თურქეთის პრეზიდენტი, რეჯეფ თაიფ ერდოღანი მომდევნო 48 საათის განმავლობაში ვლადიმერ პუტინთან და ვოლოდიმირ ზელენსკისთან სატალეფონო საუბრის გამართვას გეგმავს. როგორც CNN წერს, ის იმედოვნებს, რომ პრეზიდენტებს მოლაპარაკებებზე თურქეთში ჩასვლაზე დაითანხმებს.

"მე იმედი მაქვს, რომ ისინი ჩვენს მოწვევას მიიღებენ და ჩვენ შევძლებთ, რომ სტამბულში შევკრიბოთ", — განაცხადა მან ჟურნალისტებს.

ერდოღანმა რუსეთისა და უკრაინის პრეზიდენტები თურქეთში მოლაპარაკებებზე 17 მარტს მოიწვია, თუმცა ლიდერებს შორის შეხვედრა ამ დრომდე არ გამართულა. დღეს პუტინმა ისევ გაიმეორა, რომ ზელენსკისთან შეხვედრის შესაძლებლობა დამოკიდებული იქნება მიმდინარე მოლაპარაკებების შედეგზე.

სტამბულში გამართულ მოლაპარაკებამდე რუსეთი ასეთი შეხვედრის აუცილებლობას გამორიცხავდა, თუმცა ბოლო რაუნდის შემდეგ, ვლადიმერ მედინსკიმ განაცხადა, რომ სამშვიდობო ხელშეკრულების პარაფირებასთან ერთად, შესაძლებელია, რუსეთისა და უკრაინის პრეზიდენტების შეხვედრა. მისი თქმით, ეს ვერსია იძლევა დამატებით შესაძლებლობებს პოლიტიკური დეტალების განხილვისთვის.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში