რუსული სახელმწიფო მედიის, TASS-ის მტკიცებით, ისრაელმა დაადასტურა მისი მზადყოფნა, რომ რუსეთ-უკრაინის ლიდერებს იერუსალიმში უმასპინძლოს. გამოცემის განცხადებით, ამის შესახებ მოსკოვში ისრაელის ელჩმა მათთან ინტერვიუში ისაუბრა.

"რა თქმა უნდა. მაგრამ, ასევე მათ [პუტინმა და ზელენსკიმ] შესაფერისი გადაწყვეტილება უნდა მიიღონ. ჩვენ დიდი სიამოვნებით ვუმასპინძლებთ თ ამ შეხვედრას იერუსალიმში", — თქვა მან.

მიუხედავად იმისა, რომ უკრაინის პრეზიდენტი რუსეთის მიერ ომის დაწყებიდან ვლადიმერ პუტინთან შეხვედრაზე მზადყოფნას გამოთქვამს, ქვეყნის ლიდერებს შორის შეხვედრა ამ დრომდე არ შემდგარა.

რუსეთი სტამბულში გამართულ მოლაპარაკებებამდე რუსეთი ასეთი შეხვედრის აუცილებლობას გამორიცხავდა, თუმცა ბოლო რაუნდის შემდეგ, ვლადიმერ მედინსკიმ განაცხადა, რომ სამშვიდობო ხელშეკრულების პარაფირებასთან ერთად, შესაძლებელია, რუსეთისა და უკრაინის პრეზიდენტების შეხვედრა. მისი თქმით, ეს ვერსია იძლევა დამატებით შესაძლებლობებს პოლიტიკური დეტალების განხილვისთვის.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში