აშშ-ის პრეზიდენტი, ჯო ბაიდენი ამბობს, რომ არ იცის, უკრაინაში გაემგზავრება თუ არა. ამის შესახებ ინფორმაციას CNN ავრცელებს და აღნიშნავს, რომ ბაიდენმა ამაზე ჟურნალისტების კითხვის პასუხად ისაუბრა.

"პასუხია, რომ არ ვიცი. მე ვყოფლივარ უკრაინაში ბევრჯერ, თუმცა არა ბოლო დროს", — თქვა მან.

19 აპრილს თეთრი სახლის სპიკერმა, ჯენ ფსაკმა განაცხადა, რომ კიევში ბაიდენის ვიზიტი არ იგეგმება. თეთრი სახლის თქმით, უკრაინაში მის ნაცვლად მაღალი რანგის ოფიციალური პირის გაგზავნა სურთ და შესაძლოა, ის აშშ-ის სახელმწიფო მდივანი, ენტონი ბლინკენი ან თავდაცვის მდივანი, ლოიდ ოსტინი იყოს.

ფსაკმა, ასევე, იმედი გამოთქვა, რომ კიევში აშშ-ის საელჩო ისევ გაიხსნება, თუმცა ვადები არ დაუსახელებია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში