უკრაინის სახალხო დამცველის, ლუდმილა დენისოვას განცხადებით, რუსი ჯარისკაცები მედიის წარმომადგენლებს კლავენ და აწამებენ. დენისოვა რამდენიმე შემთხვევაზე საუბრობს.

მისი თქმით, ლიეტუველი რეჟისორი, მანტას კვედარავიჩიუს, ოკუპანტებმა ჯერ დაატყვევეს მოგვიანებით დახვრიტეს, შემდეგ კი ცხედარი ქუჩაში დააგდეს.

"მისმა ცოლმა, სიცოცხლის რისკის ფასად, ცხედარი გადაკეტილი ქალაქიდან გამოიყვანა და ლიეტუვაში გადაასვენა. რეჟისორის გარდაცვალების რეალური მიზეზი მისი უსაფრთხოებიდან გამომდინარე მანამდე არ გაჟღერებულა", — წერს ის.

დენისოვას ინფორმაციით, ოკუპანტებმა მოკლეს ჟურნალისტი, მწერალი, მოხალისე და უკრაინელ ჟურნალისტთა და მწერალთა ეროვნული კავშირის წევრი, 78 წლის ევგენი ბალი. მანამდე, 18 მარტს კი იგი საკუთარ სახლიდან მძევლად აიყვანეს.

"დაკავების მიზეზი უკრაინელ სამხედროებთან "მაკომპრომიტირებელი" ფოტოები გახდა. სამ დღეში ის სასტიკად ნაცემი გაათავისუფლეს. 2 აპრილს ევგენი ბალი გარდაიცვალა. მისი სიკვდილი წამების შედეგი იყო", — წერს ის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში