უკრაინის პრეზიდენტის, ვოლოდიმირ ზელენსკის განცხადებით, ოკუპანტებს მარიუპოლის შემდეგ ოდესის განადგურება სურთ. ამაზე პრეზიდენტმა საბერძნეთის პარლამენტში მიმართვისას განაცხადა.

"რუსეთი აბსოლუტურად დარწმუნებულია, რომ არ დაისჯება იმ ყველაფრისთვის, რასაც აკეთებს. ჩვენ უნდა შევაჩეროთ ის. ჩვენ უნდა დავაკისროთ რუსეთს პასუხისმგებლობა. ჩვენ უნდა გადავარჩინოთ ოდესა მარიუპოლის მსგავსად განადგურებისაგან", — განაცხადა ზელენსკიმ.

პრეზიდენტმა თავის მიმართვაში, ასევე, აღნიშნა, რომ რუსულმა ჯარებმა იმ ადგილებში, სადაც უკრაინელები და ბერძნები საუკუნეების განმავლობაში მშვიდობითა და კეთილდღეობით ცხოვრობდნენ, სიკვდილი და ნგრევა მოიტანეს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში