24 თებერვალს რუსეთის მიერ უკრაინაში დაწყებული ომი დღემდე გრძელდება. ომს უკრაინელი სამხედროების გარდა მშვიდობიანი მოსახლეობა, მათ შორის ბავშვებიც ეწირებიან. ცოტა ხნის წინ ქალაქ ბუჩადან გავრცელებულმა შემზარავმა კადრებმა კი მსოფლიო დაადუმა.

ოკუპანტების მიერ უკრაინელი მოქალაქეების უმოწყალო ხოცვასა და რუსეთის სასტიკ პოლიტიკას სხვადასხვა ქვეყანაში ადამიანები სიმბოლური ჟესტებითა თუ აქციებით ეხმაურებიან. მაგალითად, ცოტა ხნის წინ ლიეტუვაში რუსეთის საელჩოსთან მდებარე ტბა წითლად შეღებეს.

ფოტო: Aurelija Urbonaviciute

ფოტო: Aurelija Urbonaviciute

მოქალაქეების თქმით, ტბის წითლად შეღებვა რუსეთის მიერ უკრაინის წინააღმდეგ ჩადენილი დანაშაულის სიმბოლოა. პერფორმანსში მონაწილეობა ლიეტუველმა ოლიმპიელმა მოცურავემ, რუტა მეილუტიტემ მიიღო.

ფოტო: Aurelija Urbonaviciute

ფოტო: Aurelija Urbonaviciute

რუტამ სისხლისფრად შეღებილ ტბაში გაცურა, რაც, ორგანიზატორების მიხედვით, რუსეთის სასტიკი პოლიტიკისა და ომის წინააღმდეგ საზოგადოების ბრძოლის სიმბოლოა. მათი თქმით, მნიშვნელოვანია, რომ უკრაინაში მიმდინარე საზარელმა მოვლენებმა არ დაგვადუმოს და არ გაგვაშეშოს — ჩვენ უნდა ვიმოქმედოთ და ჩვენი ქვეყნებიც უნდა ვაიძულოთ, რომ უკრაინელების დასახმარებლად და ომის დასასრულებლად ქმედითი ნაბიჯები გადადგან.

ფოტო: Aurelija Urbonaviciute

ფოტო: Aurelija Urbonaviciute

აღსანიშნავია, რომ ტბაში ეკოლოგიურად სუფთა და გარემოსათვის უსაფრთხო საღებავი გამოიყენეს, რომელიც წყალსა და მიმდებარე ტერიტორიას საფრთხეს არ უქმნის.