NATO-ს გენერალური მდივანი იენს სტოლტენბერგი აცხადებს, რომ მომავალ კვირებში რუსეთი შეეცდება, დონბასის აღებას და ოკუპირებულ ყირიმთან სახმელეთო ხიდის შექმნას. მისი თქმით, ახლა ჩანს რუსეთის ჯარები მნიშვნელოვანი მოძრაობა კიევიდან გადაჯგუფებით.

"ახლა ჩვენ ვხედავთ [რუსული] ჯარების მნიშვნელოვან მოძრაობას კიევიდან გადაჯგუფებით, ხელახალი შეიარაღებისა და მომარაგების მიზნით და მათი ყურადღების გადატანას აღმოსავლეთზე. მომავალ კვირებში ჩვენ ველით რუსეთის შემდგომ შეტევას აღმოსავლეთ და სამხრეთ უკრაინაში, დონბასის აღებისა და ოკუპირებულ ყირიმთან სახმელეთო ხიდის შექმნის მცდელობის მიზნით", — განაცხადა სტოლტენბერგმა.

სტოლტენბერგმა აღნიშნა ისიც, რომ ეს არის ომის გადამწყვეტი ეტაპი და თქვა, რომ NATO-ს მოკავშირეები აპირებენ, მიაწოდონ დამატებითი იარაღი უკრაინას.