თბილისის მერი, კახა კალაძე უკრაინის ბრალდებას რუსეთში კონტრაბანდის შეტანის ხელშეწყობაზე ტყუილს უწოდებს. მისი თქმით, ეს მიზანმიმართული პროვოკაციაა და მიზნად უკრაინისა და საქართველოს ურთიერთობებისთვის "ჩრდილის მიყენებას ისახავს".

"დღეს გავრცელებული მტკნარი სიცრუე, რომ საქართველო და რუსეთი ფარულ მოლაპარაკებებს აწარმოებენ საქართველოს გავლით კონტრაბანდის შემოტანაზე, მიზანმიმართული პროვოკაციაა და უკრაინისა და საქართველოს ურთიერთობებზე ჩრდილის მიყენებას ისახავს მიზნად. მათ, ვინც ამის უკან დგას ორი მეგობარი ქვეყნის მიმართ ცუდი განზრახვები აქვთ", — წერს ის Twitter-ზე.

უკრაინის დაზვერვა აცხადებს, რომ რუსეთი ცდილობს საქართველოს ტერიტორიიდან კონტრაბანდული საქონლის შეტანას, რაშიც საქართველოს მთავრობა ხელს უწყობს. მათი განცხადებით, ქართულმა სპეცსამსახურებმა მიიღეს დავალება პოლიტიკური პირებისგან, რომ არ ჩარეულიყვნენ ამ საკითხში. დაზვერვაში აცხადებენ, რომ დღეს ცნობილია რუსეთის ფედერაციისთვის სამხედრო პროდუქციის მიწოდების კიდევ ერთი არხი, აღმოსავლეთ აზია. მათივე თქმით, განიხილება საქართველოსა და რუსეთის ფედერაციას შორის საჰაერო მიმოსვლის აღდგენის შესაძლებლობა.

გაიგე მეტი: