რუსთავი 2-ის ადვოკატები სააპელაციო სასამართლოს მოსამართლეებს რამდენიმე წუთის განმავლობაში არწმუნებდნენ, რომ თავიანთი არგუმენტები სასამართლო დარბაზში პრეზენტაციის სახით, პროექტორის გამოყენებით ეჩვენებინათ.

საბოლოოდ, მოსამართლემ მათ ამის ნება დართო, რის შემდეგაც სასამართლო დარბაზში პროექტორის დაყენება დაიწყეს.

"ურთმელიძის გადაწყვეტილება -კრიმინალური ნოვაცია ქართულ მართლმსაჯულებაში" - ასე ჰქვია პრეზენტაციას, რომელიც რუსთავი 2-ის ადვოკატმა ზაზა ბიბილაშვილმა სასამართლო დარბაზში წარმოადგინა. მოსამართლის განმარტებით, მსგავსი შეფასება სასამართლოს მიმართ უპატივცემულობაა.

რუსთავი 2-ის საქმეს მოსამართლეები ნათია გუჯაბიძე, ნატა ნაზღაიძე და შორენა ყაველაშვილი განიხილავენ.