"ომი — რა არის მუსიკის საპირიპისპირო? დანგრეული ქალაქებისა და დახოცილი ადამიანების დუმილი", — ასე მიმართა უკრაინის პრეზიდენტმა გრემის დაჯილდოების მონაწილეებს. ვოლოდიმირ ზელენსკიმ მუსიკის ძალასა და მნიშვნელობაზე ისაუბრა და აღნიშნა, უკრაინაში ახლა მუსიკოსები არა სმოკინგებს, არამედ ჯავშანს ატარებენ.

ზელენსკიმ ხაზი გაუსვა მუსიკის მნიშვნელობას და მოუწოდა ცერემონიის მონაწილეებს სიმღერით შეავსონ სიჩუმე.

"ომი — რა არის მუსიკის საპირიპისპირო? დანგრეული ქალაქებისა და დახოცილი ადამიანების დუმილი. ჩვენმა საყვარელმა ადამიანებმა არ იციან, ვიქნებით თუ არა ისევ ერთად. ომი არ გვაძლევს საშუალებას ავირჩიოთ, ვინ გადარჩება და ვინ დარჩება სამუდამო სიჩუმეში.

ჩვენი მუსიკოსები სმოკინგის ნაცვლად, ჯავშანს ატარებენ უმღერიან დაჭრილებს, საავადმყოფოებში, მათაც კი, ვისაც არ ესმის, მაგრამ მუსიკა მაინც მიაღწევს მათთან. ჩვენ ვიცავთ ჩვენი სიცოცხლის, სიყვარულისა და თავისუფალი ხმის უფლებას. ჩვენს მიწაზე რუსეთს ვებრძვით, რომელსაც თავისი ბომბებით საშინელი სიჩუმე მოაქვს. სიკვდილის სიჩუმე", — თქვა მან.

მან დამსწრეებს უთხრა, რომ ახლა ბავშვები მოწყვეტილი ვარსკვლავების ნაცვლად, რაკეტებს ხატავენ. უკრაინის პრეზიდენტმა მათ შეახსენა, რომ რუსეთის შეჭრის შედეგად უკრაინაში 400 ბავშვი დაშავდა, ხოლო 153 დაიღუპა. ზელენსკიმ დასძინა, რომ "ჩვენ ვეღარასდროს ვნახავთ, თუ როგორ ხატავენ ისინი".