საქართველოს საგარეო საქმეთა სამინისტროს მიერ ტვიტერზე გავრცელებულ განცხადებაში აღნიშნულია, რომ ისინი მკაცრად გმობენ ბუჩაში მომხდარს. სამინისტროს განცხადებით, ომის დანაშაულებში მონაწილეებმა პასუხი უნდა აგონ

"მკაცრად ვგმობთ ბუჩაში ხოცვა-ჟლეტას და არაადამიანურ მოპყრობას უდანაშაულო მშვიდობიან მოქალაქეებზე. განადგუებულები ვართ სისასტიკის ამსახველი სცენებით. ომის დანაშულებში მონაწილეებმა პასუხი უნდა აგონ. გულწრფელ სამძიმარს ვუცხადებთ უკრაინელ ხალხს", — აღნიშნულია განცხადებაში.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში