Amnesty International-ის გენერალურმა მდივანმა აგნეს კალამარმა განაცხადა, რომ მათი გამოძიების თანახმად, რუსეთის ქმედებები მარიუპოლში ომის დანაშაულია. მისი თქმით, ამის შესახებ ორგანიზაცია მალე ანგარიშს გამოაქვეყნებს.

"მარიუპოლის ალყა, მოსახლეობის ევაკუაციისა და ჰუმანიტარული დერეფნების ჩაშლა, მშვიდობიანი მოსახლეობის მიზანში ამოღება Amnesty International-ის გამოძიების თანახმად, წარმოადგენს ომის დანაშაულს", — თქვა კალამარმა.

Amnesty International-ის გენერალური მდივანი ამბობს, რომ უკრაინაში განვითარებული მოვლენები არ არის მხოლოდ საერთაშორისო სამართლის რაიმე სახის დარღვევა, ეს არის აგრესია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში