პუტინის პრესსპიკერმა, დმიტრი პესკოვმა CNN-თან ინტერვიუში კითხვაზე თუ რა პირობებში გამოიყენებს პუტინი რუსეთის ბირთვულ შესაძლებლობებს, უპასუხა, რომ ეს იმ შემთხვევაში შეიძლება მოხდეს, თუ რუსეთისთვის ეგზისტენციალური საფრთხე შეიქმნება.

"თუ ჩვენი ქვეყნისთვის ეგზისტენციალური საფრთხე იარსებებს, მაშინ, შეიძლება, გამოვიყენოთ", — ამბობს პესკოვი.

პუტინის სპიკერმა ასევე განაცხადა, რომ "სპეციალური სამხედრო ოპერაცია" კრემლის გეგმებისა და მიზნების შესაბამისად მიდის. მან გაიმეორა პუტინის მოთხოვნები და თქვა, რომ "სამხედრო ოპერაციის" მთავრი მიზნები "უკრაინის სამხედრო პოტენციალის აღმოფხვრა", უკრაინის ნეიტრალიტეტის მიღწევა და "ნაციონალისტური ბატალიონის" მოშორებაა. ამასთანავე, პესკოვმა აღნიშნა, რომ უკრაინამ რუსეთის მიერ ანექსირებული ყირიმი და ოკუპრებული დონეცკი და ლუგანსკი რუსეთის ნაწილებად უნდა აღიაროს.

გარდა ამისა, პუტინის სპიკერი ამტკიცებს, რომ რუსეთი თავს დაესხა მხოლოდ სამხედრო ობიექტებს.

27 თებერვალს პუტინმა ბრძანება გასცა, რუსული არმიის შემაკავებელი ძალები საბრძოლო მორიგეობის განსაკუთრებულ რეჟიმზე გადაიყვანონ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში