კულტურის მინისტრმა, თეა წულუკიანმა ჟურნალისტის შეურაცხყოფა სცადა. ფორმულას ჟურნალისტის თქმით, კრიტიკულ მედიას ეროვნულ გალერეაში გამოფენის შესახებ არ შეატყობინეს. წულუკიანის შენობიდან გამოსვლის შემდეგ მისთვის კითხვის დასმა და იმის გარკვევა სცადეს, რატომ არ დაპატიჟეს ისინი.

"იმიტომ, რომ უღირსი ტელევიზია ხართ", — უთხრა ფორმულას ჟურნალისტს კულტურის მინისტრმა.

იმის გარკვევას, თუ რატომ არ შეუშვეს კონკრეტული მედიის წარმომადგენლები შენობაში On.ge კულტურის სამინისტროში ცდილობს, თუმცა ჩვენს ზარებს არ პასუხობენ.