იტალიის პრემიერმინისტრმა უკრაინის პრეზიდენტის, ვოლოდიმირ ზელენსკის იტალიის პარლამენტში გამოსვლას არაჩვეულებრივი უწოდა, მადლობა გადაუხადა და უკრაინელების გამბედაობა და მონდომება შეაქო.

"დღეს იტალია არამხოლოდ საკუთარ თავს, არამედ ჩვენს მშვიდობას, ჩვენს თავისუფლებასა და ჩვენს უსაფრთხოებას იცავს", — თქვა მან.

მან უკრაინელი ლტოლვილების მიმართ იტალიის "უზარმაზარ" სოლიდარობას გაუსვა ხაზი და მოხალისეებს გაუჩერებელი მუშაობისა და პროფესიონალიზმისთვის მადლობა გადაუხადა.

პრემიერმა, ასევე, აღნიშნა, რომ სანქციების საბოლოო მიზანია რუსეთს ომის შეჩერება და მოლაპარაკების მაგიდასთან დაჯდომა აიძულოს. ასევე, აღნიშნა, რომ ევროკავშირის ერთიანობას აფასებს.

"პრეზიდენტს ზელენსკის მინდა ვუთხრა: ამ პროცესში იტალია უკრაინასთან ახლოსაა, იტალიას სურს უკრაინა ევროკავშირში [...] პუტინის მზარდი იზოლაციის პარალელურად, ჩვენ უნდა ვაჩვენოთ, რომ საერთაშორისო საზოგადოება ერთიანია", — განაცხადა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში