აშშ-ის წყალქვეშა ნავი The USS Michigan სამხრეთ კორეის წყლებში შევიდა.

CNN-ის ცნობით, ჩრდილოეთ კორეა თავისი ჯარის დაარსების 85-ე წლისთავს ზეიმობს. ექსპერტების აზრით, ფხენიანი, შესაძლოა, რაკეტის მორიგ ტესტირებას გეგმავდეს.

აშშ-სა და ჩრ. კორეის მიერ ერთმანეთის მიმართ გაკეთებული განცხადებების გამო, კორეის ნახევარკუნძულზე სიტუაცია ბოლო რამდენიმე კვირაა დაიძაბა.

16 აპრილს ჩრდილოეთ კორეის ბალისტიკური რაკეტის გამოცდა წარუმატებლად დასრულდა.

მას შემდეგ, აშშ-ის ვიცე პრეზიდენტმა, მაიკ პენსმა სამხრეთ კორეაში ვიზიტისას განაცხადა, რომ ჩრდილოეთ კორეასთან დაკავშირებით სტრატეგიული მოთმინების დრო ამოიწურა. პენსმა სამხრეთ კორეას 100 პროცენტიანი თანადგომა გამოუცხადა. ასევე, მიმდინარეობს მოლაპარაკებები ჩინეთთან, რომელიც ისტორიულად ჩრდილოეთ კორეის ერთადერთი პარტნიორია.

რამდენიმე დღის შემდეგ, ამერიკულმა მედიამ გაავრცელა ვიდეო, რომელშიც ჩრდილოეთ კორეამ ალში გახვეული ამერიკის იმიტირებული ვიდეო აჩვენა.