ქართული ოცნება-დემოკრატიული საქართველოს პოლიტსაბჭოს წევრი მამუკა მდინარაძე ყოფილი პრემიერის დღეს გამოქვეყნებულ ღია წერილს ეხმაურება და ამბობს, რომ ეს იყო მისთვის ყველაზე იმედიანი, ობიექტური და სწორი შეფასება:

"მე ვფიქრობ ყველა კითხვას პასუხი გაეცა, გამომდინარე იქიდან, რომ ეს იყო ბოლო დროის ყველაზე ობიექტური, სწორი და პერსპექტივაზე გათვლილი შეფასება, რაც კი შეიძლებოდა გაკეთებულიყო და რაც კი შეიძლებოდა მოგვესმინა ამ ბოლო დროს. ეს იყო ამავე დროს ყველაზე იმედიანი შეფასება. ამ შეფასებაში, პირადად ჩემთვის, რაც კი ყველაზე მთავარია არის ის, რომ იყო საუბარი გულწრფელობაზე, ქვეყნის განვითარებასა და ევროპულ არჩევანზე".

ქართული ოცნების რიგით მეოთხე ყრილობაზე დაანონსებული ღია წერილი ბიძინა ივანიშვილმა ცოტა ხნის წინ გამოაქვეყნა, რომელშიც ყოფილი პრემიერი საქართველოში დღეს არსებულ მდგომარეობაზე მისეულ ხედვებსა და სამომავლო გეგმებზე საუბრობს.