იცი, რომ თანხის დაგროვება მაშინაც შეგიძლია, როცა ხარჯავ? — გაინტერესებს, როგორ? მაშინ საქართველოს ბანკის ყულაბის შესახებ უნდა გიამბოთ, რომელიც დანაზოგის გაკეთებას ძალიან გაგიმარტივებს.

როგორ გავხსნათ ელექტრონული ყულაბა?

საქართველოს ბანკის ელექტრონული ყულაბა მობილბანკშია ხელმისაწვდომი. მისი გააქტიურება პროდუქტების ჩამონათვალშია შესაძლებელი. რაც მთავარია, ამისთვის საჭირო არაა არც მინიმალური შენატანი და არც ანაბრის ქონა. ყულაბის გამორჩეული ფუნქცია ისაა, რომ შეგიძლია მიუთითო სასურველი ანგარიში, მონიშნო თანხის სასურველი რაოდენობა და ბარათით ყოველი გადახდისას ეს თანხა არჩეულ ანგარიშზე მომენტალურად ჩაგერიცხება.

ფუნქციის გააქტიურება ან დეაქტივაცია ნებისმიერ მომენტში, მარტივად, ისევ მობილბანკიდან შეგიძლია.

საქართველოს ბანკი სიახლის შესახებ

საქართველოს ბანკში ამბობენ, რომ ახალი ელექტრონული ყულაბა თანხის დაგროვების მოსახერხებელი გზაა და იგი მომხმარებლების კომფორტისთვის შეიქმნა.

''ახალი ელექტრონული ყულაბა ავტომატიზირებული პროცესებით კიდევ უფრო მარტივს და მოსახერხებელს ხდის თანხის დაგროვებას. ძველი ყულაბისგან განსხვავებით, ის არ საჭიროებს ანაბრის გახსნას. ყოველი გადახდისას, დანაზოგი მომხმარებლისგან შეუმჩნევლად გროვდება. მაქსიმალური კომფორტისთვის კი, დაგროვილი თანხის გამოყენება ან დაგროვების შეჩერება მომხმარებელს ნებისმიერ დროს შეუძლია. ეს იმას ნიშნავს, რომ აგროვებ ყოველთვის, როცა ხარჯავ და გაქვს დანაზოგი, რომელსაც თავისუფლად იყენებ. დარწმუნებული ვართ, მომხმარებლებისთვის ახალი ელექტრონული ყულაბა ფულის დაგროვების ერთ-ერთ ყველაზე კომფორტულ გზად იქცევა'', — აცხადებს საქართველოს ბანკის ციფრული საბანკო მომსახურების დეპარტამენტის დირექტორის მოადგილე, მაია გორგილაძე.

საქართველოს ბანკი მომხმარებლის საჭიროებებსა და ინტერესებზე მორგებული პროდუქტების დანერგვას მომავალშიც გააგრძელებს და ისინი მობილბანკში სხვა სიახლეებსაც აანონსებენ.