როგორ იცით, რაიან მერფი სულ მალე პრინცესა დაიანასა და პრინც ჩარლზის შესახებ ახალი სერიალის გადაღებას გეგმავს, რომელშიც მთავარ როლს სარა პოლსონი შეასრულებს.

ცოტა ხნის წინ რაიან მერფიმ დაადასტურა, რომ FX-ის ახალ შოუში აუცილებლად იქნებიან ჯესიკა ლენგი და სიუზან სარანდონიც, რომელთაგან ერთ-ერთი, სავარაუდოდ, დედოფალი ელიზაბეტის როლს შეასრულებს.

"შემდეგი სეზონისთვის არ მინდოდა კვლავ ორი ქალი პერსონაჟის შუღლზე გამეკეთებინა აქცენტი. ამასთანავე მგონია, რომ პრინცესა დაიანას ისტორია ძალიან საინტერესო და საიდუმლოებით მოცულია, ამიტომ ბევრი მასალა წავიკითხე, გავიცანი ხალხი ვინც მათი ამბების შესახებ იცოდა და მენდეთ, უამრავ საინტერესო და დღემდე გაუხმაურებელ დეტალს გაიგებთ სამეფო ოჯახისა ხალხის გულების პრინცესაზე", - ამბობს რაიან მერფი.

5 მარტს FX-ის ეთერში რაიან მერფის ახალი სერიალის Feud: Bette and Joan პრემიერა შედგა, რომელიც ჰოლივუდის ოქროს ხანის ლეგენდარული მსახიობების ცხოვრებასა და მათ დაძაბულ ურთიერთობებზე მოგვითხრობს. ყურადღების ეპიცენტრში კი ბეტ დევისისა (სუზან სარანდონი) და ჯოან კროუფორდის (ჯესიკა ლენგი) ურთიერთობაა. რეჟისორი და სცენარისტი ჰორორის ჟანრის კლასიკად შერაცხული ფილმის რა დაემართა ბეიბი ჯეინს? კულისებში შეგვახედებს და მსახიობებს შორის არსებულ დაძაბულობას გვიჩვენებს.