დიდი ბრიტანეთის თავდაცვის მდივანს, ბენ უოლესს უკრაინის პრემიერის სახელით თაღლითმა დაურეკა. ინფორმაცია ამის შესახებ უოლესმა ტვიტერზე გაავრცელა.

მისი თქმით, თაღლითმა რამდენიმე შეცდომაში შემყვანი კითხვა დაუსვა და როცა საუბარი საეჭვო გახდა, ზარი გათიშა.

"რუსული დეზინფორმაციის ვერანაირი ოდენობა, ფაქტების დამახინჯება და ბინძური ხრიკები ვერ გადაგვატანინებს ყურადღებას რუსეთის მიერ ადამიანის უფლებების დარღვევისა და უკრაინაში უკანონო შეჭრისგან. სასოწარკვეთილი მცდელობაა", — წერს ის.

ფაქტს გამოეხმაურა უკრაინის პრემიერმინისტრი და უოლესს ურჩია, სამომავლოდ ასეთ ზარებზე კოდური სიტყვა მოითხოვოს.

"შემდეგ ჯერზე, ბატონო მინისტრო, საუბრის წინ სთხოვეთ თქვათ სიტყვა "პალიანიცა". რუსული დეზინფორმაციის ყველა მცდელობის მიუხედავად, მსოფლიო ხედავს, რომ სიმართლე უკრაინის მხარეს დგას", — დაწერა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში