ესტონეთის პარლამენტი ნატოსა და ევროკავშირის წევრი ქვეყნებისთვის ერთობლივ მიმართვას ავრცელებს და გაეროს წევრ ქვეყნებს უკრაინის ცის ჩაკეტვისთვის სასწრაფო ზომების მიღებას სთხოვს.

"ესტონეთის პარლამენტი სთხოვს გაეროს წევრ ქვეყნებს მიიღონ სასწრაფო ზომები ფრენის აკრძალვის დასამყარებლად უკრაინაში მშვიდობიანი მოსახლეობის მასიური მსხვერპლის თავიდან აცილებისთვის", — ვკითხულობთ განცხადებაში.

ამასთანავე, ესტონეთი სხვა ქვეყნის მთავრობებს მოუწოდებს მხარი დაუჭირონ რუსეთისა და ბელარუსის წინააღმდეგ დამატებითი სანქციების დაწესებას. ის მოითხოვს დაუყოვნებლივ დაწესდეს ყოვლისმომცველი სავაჭრო ემბარგო რუსეთისა და ბელარუსისთვის, რათა აგრესორ სახელმწიფოებს ომის წარმოების შესაძლებლობა შეეზღუდოთ.

ესტონეთის პარლამენტი ევროპის საბჭოს საპარლამენტო ასმბლეის წევრებს მიმართავს და მოუწოდებს, მხარი დაუჭირონ რუსეთის ევროსაბჭოდან გარიცხვას. ასევე, ესტონეთი ევროკავშირის წევრ ქვეყნებს მოუწოდებს მხარი დაუჭირონ უკრაინის განცხადებას კანდიდატი სახელმწიფოს სტატუსზე.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში