აშშ სანქციებს ვლადიმერ პუტინის პერსსპიკერის, დმიტრი პესკოვის ოჯახსაც უწესებს, რაც იმას ნიშნავს, რომ მათი აქტივები გაიყინა. საუბარია ცოლსა და ორ შვილზე, თავად პესკოვი კი უკვე სანქცირებულია.

"დღეს, OFAC ასახელებს პესკოვის ოჯახის სამ წევრს, რომლებიც ცხოვრობენ მდიდრული ცხოვრების წესით, რაც არ შეესაბამება პესკოვის საჯარო მოხელის ხელფასს და, სავარაუდოდ, დაფუძნებულია უკანონოდ მოპოვებულ სიმდიდრეზე, პესკოვის პუტინთან კავშირებზე", — ვკითხულობთ სახელმწიფო დეპარტამენტის განცხადებაში.

მათივე ინფორმაციით, პესკოვის ცოლს, ტატიანა ალექსანდროვნა ნავკას აქვს უძრავი ქონების იმპერია, რომლის ღირებულება 10 მილიონ დოლარზე მეტია. მისი უძრავი ქონება მოიცავს საკუთრებას მოსკოვის ელიტარულ გარეუბანში, სადაც პუტინიც ცხოვრობს, კიდევ ერთ მრავალმილიონიანი ბინას მოსკოვში, რომელიც მას მთავრობამ გადასცა და ბინას უკრაინის ყირიმის ნახევარკუნძულზე, რომელიც რუსეთს 2014 წლიდან აქვს ოკუპირებული.

დეპარტამენტი ასევე წერს, რომ ნიკოლაი პესკოვი მუშაობდა რუსულ პროპაგანდისტულ გამოცემა RT-ში და გავრცელებული ინფორმაციით, ნიკოლაის წვდომა აქვს უამრავ ძვირადღირებულ მანქანაზე, მოგზაურობს კერძო თვითმფრინავებითა და იახტებით. რაც შეეხება ლიზა პესკოვას, მას ათიათასობით გამომწერი ჰყავს სოციალურ ქსელებში, სადაც მდიდრულ ცხოვრების წესს აჩვენებს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში