უკრაინის პრეზიდენტის, ვოლოდიმირ ზელენსკის განცხადებით, რუსეთის პრეზიდენტი ვლადიმერ პუტინი ან პატივს სცემს საერთაშორისო სამართალს, ან არ ექნება ფული ომების დასაწყებად. მისი თქმით, აშშ-ს გადაწყვეტილება უარი თქვას რუსულ გაზზე შეასუსტებს ოკუპანტს და აიძულებს, ყველა ბოროტებისთვის გადაიხადოს.

"აშშ-მ გადადგა ნაბიჯი, რომელიც მნიშვნელოვნად შეასუსტებს ოკუპანტებს. აიძულებს, გადაიხადონ აგრესიისთვის, ყველა ბოროტებისთვის, რომელიც ჩაიდინა. ამერიკა კრძალავს ნავთობის იმპორტს რუსეთიდან, ასევე ნავთობპროდუქტების, გაზის, ქვანახშირის. უკრძალავს აშშ-ს მოქალაქეებს რუსეთში ნებისმიერი სახის ინვესტიციას რუსულ ნავთობისა და ენერგეტიკის კომპლექსებში. მე პირადად მადლობელი ვარ ამერიკის შეერთებული შტატების პრეზიდენტის, ბაიდენის, ამ გადაწყვეტილებისთვის, ამ ლიდერობის გამო, ამ მაქსიმალურად ძლიერი სიგნალისთვის, რომელიც მთელს მსოფლიოს გაუგზავნა.

ან რუსეთი პატივს სცემს საერთაშორისო კანონს და ან აღარ წარმართავს ომებს, ან არ ექნება ფული ომის დასაწყებად", — თქვა ზელენსკიმ.

აშშ-მ რუსული ნავთობის იმპორტი აკრძალა. ამის შესახებ ქვეყნის პრეზიდენტმა, ჯო ბაიდენმა ისაუბრა. აკრძალავა რუსულ ნავთობს, თხევად ბუნებრივ გაზსა და ნახშირს შეეხება. ბაიდენის თქმით, ამ ნაბიჯით ამერიკელი ხალხი კიდევ ერთ ძლიერ დარტყმას მიაყენებს პუტინის მმართველობას.

ბრიტანეთის პრემიერმინისტრმა, ბორის ჯონსონმა საკუთარ Twitter-ზე დაწერა, რომ წლის ბოლომდე რუსული ნავთობის იმპორტის ბრიტანეთიც აკრძალავს.

ევროკომისიის პრეზიდენტი, ურსულა ფონ დერ ლაიენი კი წერს, რომ 2022 წლის ბოლომდე ევროკავშირი რუსულ გაზზე დამოკიდებულების 2/3-ით შემცირებას გეგმავს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში