2022 წლის ბოლომდე ევროკავშირი რუსულ გაზზე დამოკიდებულების 2/3-ით შემცირებას, გეგმავს. ამის შესახებ საკუთარ Twitter-ზე ევროკომისიის პრეზიდენტი, ურსულა ფონ დერ ლაიენი წერს.

ლაიენის თქმით, ახალი გეგმა მრავალფეროვანს გახდის გაზის მიწოდებას, გააუმჯობესებს ენერგოეფექტურობას და გაზს გათბობასა და ელექტროენერგიაში ჩაანაცვლებს. ამასთან, როგორც Reuters წერს, ევროკავშირი გეგმავს, რომ რუსული საწვავზე დამოკიდებულება 2030 წლამდე დაასრულოს.

დღეს აშშ-მ რუსული ნავთობის იმპორტი აკრძალა. ამის შესახებ ქვეყნის პრეზიდენტმა, ჯო ბაიდენმა ისაუბრა. აკრძალავა რუსულ ნავთობს, თხევად ბუნებრივ გაზსა და ნახშირს შეეხება. ბაიდენის თქმით, ამ ნაბიჯით ამერიკელი ხალხი კიდევ ერთ ძლიერ დარტყმას მიაყენებს პუტინის მმართველობას.

ამასთან, როგორც ბორის ჯონსონმა ისაუბრა, ბრიტანეთი წლის ბოლომდე ჩამოშორდება რუსულ ნავთობზე დამოკიდებულებას.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში