მიმდინარე კვირა რუსული რუბლისთვის მძიმედ დაიწყო. დღევანდელი ვაჭრობის შედეგად, ერთი დოლარის ღირებულება 140 რუბლს მიუახლოვდა. ამჟამად, ერთი დოლარი დაახლოებით 138,6 რუბლად ივაჭრება.

ექსპერტები რუბლის მკვეთრად გაუფასურებას რუსულ ნავთობზე ემბარგოს შესაძლო დაწესებას უკავშირებენ. აშშ-ის სახელმწიფო მდივნის, ენტონი ბლინკენის განცხადებით, ამერიკის შეერთებული შტატები და ევროპელი მოკავშირეები რუსული ნავთობის იმპორტზე ემბარგოს დაწესებას განიხილავენ. როგორც ცნობილია, რუსეთი ნავთობის წარმოებით მსოფლიოში მეორე ადგილს იკავებს. რუსეთში არსებული ეკონომიკური კრიზისის ფონზე, ქვეყანას ენერგორესურსებიდან მიღებული შემოსავლები მნიშვნელოვნად ესაჭიროება.

ბლინკენის განცხადება აისახა ნავთობის მსოფლიო ფასზეც. Bloomberg-ის ინფორმაციით, დღეს ბარელი ნავთობის ღირებულება 140 დოლარს მიუახლოვდა. Brent ტიპის ნავთობის ფასი ამჟამად დაახლოებით 125 დოლარია.